ပြည်တွင်းစစ်တွင် ဆုတံဆိပ်များပေးခြင်းသည် စည်းလုံးမူကို ထိခိုက်နိုင်(irrawaddy)

စစ်ရေးပြ အခမ်းအနားတခု (ဓာတ်ပုံ – ဧရာဝတီ)

လက်ရှိဖြစ်နေသည့် ပြည်တွင်းစစ်များတွင် အစိုးရတပ်မတော် စစ်သည်များကို ဘွဲ့၊ ဆုတံဆိပ်များ ပေးအပ်ခြင်းသည် ရေရှည် တိုင်းရင်းသား စည်းလုံးမူကို ထိခိုက်စေပြီး ပြည်တွင်းစစ်ကို ပိုမိုကြာစေလိမ့်မည်ဖြစ်ကြောင်း ဗိုလ်ကြီးဟောင်း ကိုနေမျိုးဇင်က ပြောသည်။
“အရင် စစ်အာဏာရှင်စနစ် တည်ထောင်တဲ့အခါ မက်လုံးပေးတဲ့အနေနဲ့ အသုံးပြုခဲ့တဲ့ဟာတွေပါ။ နိုင်ငံခြားကျူးကျော်မူ မရှိတော့တဲ့နောက်ပိုင်း သူရဘွဲ့ပေးသင့်တာလည်း မရှိသလောက်ဖြစ်သွားတယ်။ နဂိုကမှ ဗမာဆိုရင် အမြင်မကြည်တဲ့ တိုင်းရင်းသား ကလေးငယ်တွေအတွက်တော့ သူရဘွဲ့ထပ်ပေးမယ်ဆိုရင် ပိုပြီးဆိုးသွားနိုင်ပါတယ်။ ကိုယ့်သွေးချင်းချင်း သူတပြန် ကိုယ်တပြန် သတ်လို့ရတာက ဂုဏ်ယူစရာလည်း မဟုတ်ပါဘူး ” ဟု ၄င်းက ဆိုသည်။
သူရဘွဲ့များကြောင့် တိုင်းရင်းသားများနှင့် ဗမာတို့အကြားစည်းလုံးရေးကို ပိုမိုပျက်ပြားစေနိုင်ပြီး အမုန်းတရားများကို ပံ့ပိုးသကဲ့သို့ ဖြစ်စေနိုင်ကြောင်း ကိုနေမျိုးဇင်က ဆက်ပြောသည်။
လက်ရှိ ကချင်ပြည်နယ်တွင် ဖြစ်ပွားနေသည့် ပြည်တွင်းစစ်တွင် ပါဝင်တိုက်ခိုက်နေသူများကို ဘွဲ့တံဆိပ်များ ပေးနိုင်ရန်အတွက် အစိုးရဘက်မှ စာရင်းကောက်ယူမူများ ရှိနေသည်ဟု ကချင်လွတ်လပ်ရေး တပ်မတော် (KIA) ဒုတိယ စစ်ဦးစီးချုပ် ဗိုလ်မှူးချုပ် ဂွန်မော်က ပြောသည်။
“ဒါဟာ ဆွေစဉ်မျိုးဆက် ဂုဏ်ယူရမယ့် ကိစ္စဖြစ်ပါတယ်။ တိုင်းရင်းသားတွေနဲ့ တိုက်တဲ့တိုက်ပွဲတွေမှာ ရခဲ့တဲ့ ဘွဲ့တွေအပေါ်မှာ တသက်လုံး ဂုဏ်ယူနေမယ်ဆိုရင် ဒါဟာရေရှည်မှာ ပြဿနာဖြစ်နိုင်ပါတယ်” ဟု ဗိုလ်မှူးချုပ် ဂွန်မော်က ဆိုသည်။
ပြည်တွင်းတွင် အချင်းချင်း တိုက်ခိုက်ရသည်များအတွက် ရရှိခဲ့သည့် ဆုတံဆိပ်များကို ရင်ဘတ်ပေါ်တွင် ချိတ်ဆွဲရခြင်းသည် အရသာမရှိကြောင်း ကာကွယ်ရေးဦးစီးချုပ်ဟောင်း သူရ ဦးတင်ဦးက ပြောသည်။
“ပြည်ပရန်နှိမ် ဆိုရင်တော့ ပေးသင့်တယ်၊ ပေးရမယ်။ ပြည်တွင်းမှာ အချင်းချင်းဖြစ်လို့ရတဲ့ ပြည်တွင်းရန်နှိမ် ဆုတံဆိပ်ပေးတာ၊ Star တွေပေးတာကို အစကတည်းက ကျနော် သဘောမကျခဲ့ဘူး။ ရင်ဘတ်မှာ တပ်ထားလို့လည်း အရသာ မရှိဘူး” ဟု ၄င်းက ပြောသည်။
သို့သော် ပြည်ပရောက် ဗိုလ်မှူးဟောင်း ကိုစိုင်းသိန်းဝင်းကမူ စစ်သားအလုပ်သည် ပရော်ဖက်ရှင်နယ် အလုပ်တခုဖြစ်ပြီး အမိန့်နာခံသည့်၊ စွန့်လွတ်စွန့်စားသည့် ရဲဘော်များအတွက် ဘွဲ့များချီးမြှင့်သင့်ကြောင်း ဆိုသည်။
“စစ်တပ်ကိုလည်း ပရော်ဖက်ရှင်နယ်ဖြစ်စေချင်တယ်။ အဲဒါဆိုရင် မုဒိမ်းမှု၊ ခိုးမှုတွေနဲ့ နာမည်ပျက်မှာ မဟုတ်တော့ဘူး။ ကျနော့်အနေနဲ့ကတော့ ပေးရမယ်၊ ပေးသင့်တယ်လို့ ထင်ပါတယ်။ စစ်ပွဲ ဖြစ်သင့်တာ၊ မဖြစ်သင့်တာက နိုင်ငံရေး ဖြစ်သွားပါတယ်။ စစ်ပွဲဖြစ်တာ မှန်သလား၊ မှားသလား မေးရင်တော့ မှားတယ်ပြောရမှာပေါ့။ ဒါပေမယ့် ဒါကနိုင်ငံရေး ပြဿနာလေ။ နိုင်ငံကို အုပ်ချုပ်နေတဲ့၊ စစ်တပ်ကို အုပ်ချုပ်နေတဲ့ လူတွေက သဘောထားမမှန်လို့ ဖြစ်ရတာကိုး” ဟု ကိုစိုင်းသိန်းဝင်းက ပြောသည်။
“နိုင်ငံတိုင်းက တိုင်းသူပြည်သားတွေကတော့ သူတို့ကာကွယ်ရေးတပ်ကို အင်အားရှိစေချင်ကြတာပဲ။ သုံးတဲ့ပစ္စည်းတွေ အဆင့်မြင့်သလို အတွေးအခေါ်ပိုင်းဆိုင်ရာလည်း မြင့်မားစေချင်ကြတာ နိုင်ငံသားတိုင်းဆန္ဒပါ။ မြန်မာနိုင်ငံကလည်း တပ်မတော်ကို F 16, F 14 တွေနဲ့ အဆင့်မြင့်စေချင်တာပါပဲ။ ဒါပေမယ့် အဲလိုဖြစ်လာအောင် ပြည်သူလူထုက မြန်မာ့ တပ်မတော်အပေါ် ဘယ်လောက် အမြင်ကြည်လင်သလဲဆိုတာ အရေးကြီးပါတယ်” ဟု ကချင်လွတ်မြောက်ရေးအဖွဲ့ (KIO) မှ ပြောခွင့်ရပုဂ္ဂိုလ် ဦးလနန်က ဆိုသည်။

PANDUNG (JP kasa)

KIO e, Tinang le…
Baw hpraw wa rum,
Amyit n htum;

Baw lu sharawt,
Hkawm sa shamawt;

Shanglawt lu na,
Loi sha mi ra;

Yaw sh’da Pandung,
Nye man e jung;

Dakkasu Wunpawng,
S’ra tai gumhkawng,

Dawhkrawng hte tim,
Sh’rin Chyin n zim;

Lahpa galai,
Ramma ni hkrai;

Tinang le…
Si ten du hkra , Daw jau na.

Dai hte maren;      ;
Tsaw ra KIO,
Myu a Ningbaw;

Manu dan ai,
Myu a hpa-awn rai ndai.
Machyi makaw,
Ru yak grai law;
Asak kaba sai,
Shayawm n mai;
Myit hkum kaji,
Hkum brep shagri;
Amyit dating,
Mungm’sa ninghkring;

Kaga tam yu,
 Malai n mu;
I arau rau,
Shawng de hkrau hkrau;

Lata gindun,
Mung Myu marun;
Padang du hkra,
Shakut ga i ya……

Shanglawt Tsin
8/9/2012

September (6) ya du hkra na Hpakant hpyen yen tsim yam jahpan

ကာကွယ်ရေးဝန်ကြီးဌာန ဒုဝန်ကြီး၏ ပြောကြားချက် မဟုတ်မှန်ကြောင်း KIO တုန့်ပြန်

စောခါးစူးညား (ကေအိုင်စီ)

နိုင်ငံရေးဆွေးနွေးမှုပြုလုပ်ပြီးမှသာ အပစ်အခတ်ရပ်စဲမည် ဆိုသည့်အချက်ကို ကချင်လွတ်မြောက်ရေးအဖွဲ့-KIO က စွဲကိုင်ထား...

သဖြင့် ကချင်ဒေသတွင် ဆက်လက်တိုက်ပွဲဖြစ်ပွားနေရသည်ဟု ကာကွယ်ရေးဝန်ကြီးဌာန ဒုဝန်ကြီး ဗိုလ်မှူးချုပ်အောင်သော်၏ ပြောကြားချက်မှာ မဟုတ်မမှန်ကြောင်း KIO က ယနေ့ တုန့်ပြန်ပြောဆိုလိုက်သည်။

KIO ပြောခွင့်ရပုဂ္ဂိုလ် ဦးလနန်က “ကျနော်တို့ အမြဲပြောနေတာကတော့ အခု ဖြစ်ပွားနေတဲ့ တိုက်ခိုက်မှုတွေဟာ အဓိက ပြဿနာ မဟုတ်ဘူး။ တိုင်းရင်းသားအရေးနဲ့ပတ်သက်တဲ့ နိုင်ငံရေးပြဿနာပါ။ ဒီနိုင်ငံရေး ပြဿနာကို အစိုးရအဆက်ဆက်က မဖြေရှင်းနိုင်တဲ့အ တွက် တိုက်ပွဲရတာပါ”ဟု ပြောသည်။

၎င်းတို့အနေဖြင့် အစိုးရနှင့် ဆယ်နှစ်ကျော် အပစ်အခတ်ရပ်စဲရေးလုပ်၍ ဆက်ဆံရေးရုံးဖွင့်၊ ဒေသဖွံ့ဖြိုးရေး လုပ်ခွင့်သာရခဲ့ပြီး လက်ရှိ အစိုးရဘက်က အပစ်ခတ်ရပ်စဲရေးကိစ္စ တတွင်တွင်ပြောသော်လည်း နိုင်ငံရေးဆွေးနွေးရေးကိစ္စကို အလေးမထားကြောင်း ဦးလနန်က ဆက်ပြောသည်။

အမျိုးသားလွှတ်တော်အစည်းအဝေး ကျင်းပသည့် (၄၀)ရက်မြောက် ယမန်နေ့၌ ကချင်ပြည်နယ် မဲဆန္ဒအမှတ်(၁)မှ ဦးခက်ထိန်နန်က အပစ်အခတ်ရပ်စဲရေး၊ ငြိမ်းချမ်းရေးနှင့် ပတ်သက်၍ မေးမြန်းခဲ့ရာ ဗိုလ်မှူးချုပ်အောင်သော်က KIA သည် အပစ်အခတ်ရပ်စဲရေး လုပ်ငန်း စဉ်ကို လုံးဝ ဆွေးနွေးညှိနှိုင်းမှု မပြုလုပ်ကြောင်း ပြောကြားချက်ကို ယနေ့ထုတ် မြန်မာ့အလင်းသတင်းစာတွင် ဖော်ပြထားသည်။

ထို့အပြင် KIA သည် ၎င်းတို့စစ်တပ်နှင့် ပြည်သူလူထု အသုံးပြုနေသည့် လမ်းကြောင်းများတလျှောက်ရှိ တံတားများကို ဖျက်ဆီးခြင်း၊ နယ်မြေလုံခြုံရေးတာဝန် ထမ်းဆောင်နေသည့် ဌာနချုပ်များ၊ တပ်စခန်းများ၊ စစ်ကြောင်းများသို့ ရိက္ခာ၊ လူနာပို့ဆောင်နေစဉ်၊ လုံခြုံရေးနှင့် နယ်မြေရှင်းလင်းရေးဆောင်ရွက်စဉ် ၀င်ရောက်တိုက်ခိုက်ခြင်းများပြုလပ်နေသည်ဟု သတင်းစာထဲတွင် ပါရှိသည်။

ယင်းဖော်ပြချက်ကို ဦးလနန်က “သူတို့ စစ်ဆင်ရေးလုပ်လာတဲ့အချိန်မှာ ဒေသခံသွားတဲ့လမ်းတွေကို အသုံးမပြုဘူးဆိုရင်တော့ ဒီကိစ္စ ပေါ်လာနိုင်စရာ အကြောင်းမရှိဘူး။ သူတို့က လူထုကို အကာအကွယ်လုပ်ပြီး အရပ်ဝတ်ပုံစံနဲ့ လူထုတွေနဲ့ရောပြီး မော်တော်ယဉ်တွေ စီးလာတယ်။ ဒီလိုလုပ်တော့ စစ်ရေးအရ ပြန်ပြီးတုန့်ပြန်ရတာပဲ”ဟု ဆိုသည်။

ပြီးခဲ့သည့် ၂၀၁၁ခုနှစ်၊ ဒီဇင်ဘာလ ၁၀ရက်နေ့က သမ္မတဦးသိန်းစိန်မှ ကချင်ပြည်နယ်အတွင်း ခုခံကာကွယ်ရုံမှအပ ပစ်ခတ်တိုက်ခိုက် ခြင်း၊ KIA စခန်းများအား ချီတက်ထိုးစစ်ဆင်တိုက်ခိုက်ခြင်း မပြုလုပ်ရန် ညွှန်ကြားချက်ကို သက်ဆိုင်ရာ တပ်ဖွဲ့ဝင်များက တိကျစွာ လိုက်နာကြောင်း ဗိုလ်မှူးချုပ်အောင်သော်က ပြောထားသော်လည်း လက်ရှိ ကချင်ပြည်နယ် ဖားကန့်မြို့နယ် KIA နယ်မြေအတွင်း အစိုးရ စစ်တပ်မှ သြဂုတ်လမှစ၍ ယခု စက်တင်ဘာလအထိ နေ့စဉ် တိုက်ပွဲဖြစ်ပွားကာ ကချင်ဒေသအတွင်း ဒုက္ခသည် တစ်သိန်းခန့်ရှိလာပြီဟု ကချင်ဒုက္ခသည်များကို သွားရောက်ကူညီနေသည့် အဖွဲ့များက ပြောသည်။

၂၀၁၁ခုနှစ် ဇွန်လမှစ၍ မြန်မာအစိုးရတပ်နှင့် KIA တပ်များအကြား တိုက်ပွဲဖြစ်များ ပြန်လည်ဖြစ်ပွားပြီးနောက် ပြည်နယ်အဆင့် သုံးကြိမ်၊ ပြည်ထောင်စုအဆင့်သုံးကြိမ်နှင့် အလွတ်သဘော လေးကြိမ်တွေ့ဆုံဆွေးနွေးခဲ့သော်လည်း အောင်မြင်မှုမရရှိခဲ့ကြောင်းလည်း ဗိုလ်မှူးချုပ် အောင်သော်၏ ပြောကြားချက်ကို မြန်မာအလင်းသတင်းစာတွင် ဖော်ပြထားသည်။

တရုတ် သဘောထား ပြောင်းလဲနေသလား

Kachin refugees in Yunnan province

အိမ်နီးချင်းနိုင်ငံတွေနဲ့ ဆက်ဆံရာမှာ ငြိမ်းချမ်းစွာ ပူးပေါင်းလုပ်ကိုင်ရေးကို တရုတ်က အဓိကထားတယ်လို့ ဆိုပါတယ်။ တရုတ်နဲ့ အိမ်နီးချင်းနိုင်ငံ စီးပွားရေးမှာ အပြန်အလှန် မှီခိုကြပါတယ်။ တရုတ်ကလည်း အရှေ့ တောင်အာရှနိုင်ငံတွေရဲ့  ယုံကြည်မှုရရှိအောင် အထူးကြိုးပမ်းပါတယ်။ တရုတ်-မြန်မာ ဆက်ဆံရေးမှာတော့ နယ်စပ်ဒေသတည်ငြိမ်ရေးကို အဓိကထားပါတယ်။ ဒါပေမဲ့ မိမိရည်မှန်းချက် မအောင်မြင်တဲ့အခါမှာတော့ တရုတ်ဖက်က အကျပ်ကိုင်ဖိအားပေးတာမျိုးတွေ လုပ်လာတာတွေ့ရပါတယ်။

၂၀၁၁ ဇွန်လကစပြီး KIO ကချင်လွတ်မြောက်ရေးအဖွဲ့နဲ့ ဗမာအစိုးရတပ်တို့ တိုက်ကျခိုက်ကျတဲ့အတွက် စစ်ပြေးဒုက္ခသည် ကချင်တိုင်းရင်းသားတွေ ထောင်သောင်းချီပြီး ယူနန်ပြည်နယ်မှာ ခိုလှုံကြပါတယ်။ ဒါပေမဲ့ ကချင်ဒုက္ခသည်ကို ယူနန်အာဏာပိုင်က လူမှုအကူအညီ မပေးတဲ့အပြင် အပြည်ပြည်ဆိုင်ရာ အကူအညီပေးတာကိုလည်း လက်မခံကြောင်း Human Rights Watch က သြဂုတ်လ (၂၄) ရက်နေ့က ဖော်ပြပါတယ်။ နောက်တော့ ယူနန်ပြည်နယ် နောင်တောင်းခရိုင်က ကချင်ဒုက္ခသည်တွေကို KIO အကူအညီနဲ့ ကချင်ပြည်နယ်ကို ပြန်ပို့လို့ တရုတ်အစိုးရကို ဝိုင်းဝန်းဝေဖန်ကြပါတယ်။

ယူနန်အာဏာပိုင်တွေက ကချင်ဒုက္ခသည်ကို ဆက်ဆံပုံနဲ့ ကိုးကန့်တရုတ်ကို ဆက်ဆံပုံဟာ အလွန်ကွာခြားပါတယ်။ တရုတ်အများအပြားနေထိုင်တဲ့ ကိုးကန့်ဒေသကို ဗမာစစ်အစိုးရက ၂၀၀၉ သြဂုတ်လမှာ ထိုးစစ်ဆင်တော့ ကိုးကန့်တရုတ် သုံးသောင်းကျော် ယူနန်ပြည်နယ်မှာ ဝင်ရောက်ခိုလှုံကြပါတယ်။ ယူနန်ပြည်နယ် (၇) နေရာမှာ ဒုက္ခသည်စခန်းတွေ ဖွင့်ပေးခဲ့ပါတယ်။ ကချင်ဒုက္ခသည် ကြုံနေရတဲ့ ပြဿနာမျိုးတွေ ကိုးကန့်ကိစ္စမှာ မရှိခဲ့ပါဘူး။ ကိုးကန့်ဒုက္ခသည် တသောင်းကနေ နှစ်သောင်းအထိ စခန်းတွေမှာမနေဘဲ အမျိုးမိတ်ဆွေအိမ်တွေမှာ တည်းခိုကြတယ်လို့ သိရပါတယ်။ ကိုးကန့်ကိစ္စမှာ တရုတ်အစိုးရက အကြီးအကျယ်မကျေနပ်ဖြစ်ပေမယ့် နှစ်နိုင်ငံဆက်ဆံရေး အပျက်မခံတာကို တွေ့ရပါတယ်။ ဒီဇင်ဘာမှာ တရုတ် ဒု-သမ္မတ နေပြည်တော်သွားပြီး နှစ်နိုင်ငံ ဆက်ဆံရေးကို တိုးမြှင့်ပါတယ်။

ယူနန်အစိုးရဟာ ကချင်တွေအပေါ် ထောက်ထားစာနာစိတ် ရှိတယ်လို့ဆိုပါတယ်။ ကချင်ဆေးဝန်ထမ်းတွေကို တရုတ်ပြည်ကို နှစ်စဉ်စေလွှတ်ပြီး သင်တန်းတက်ခိုင်းပါတယ်။ ကုမင်တက္ကသိုလ်နဲ့ ဆက်ထားတဲ့ တရုတ်ကျောင်း လိုင်ဇာမှာရှိကြောင်း သိရပါတယ်။ မြန်မာဖက် ကချင်နဲ့ တရုတ်ဖက်က ဂျင်းဖောတို့ဟာ မျိုးနွယ်တူတွေဖြစ်တာကြောင့် သွေးစည်းမှုရှိကြတယ်လို့ ဆိုပါတယ်။ ဒီ ဆက်စပ်မှုတွေကြောင့် တရုတ်ဟာ KIO နဲ့ ရေရှည်ဆက်ဆံရေး မြှင့်တင်လိုတာ သိသာတယ်လို့ သုံးသပ်ကြပါတယ်။ ဒါပေမဲ့ မြစ်ဆုံဆည်စီမံကိန်းကို ကချင်တိုင်းရင်းသားတွေက တောက်လျှောက်ဆန့်ကျင်ခဲ့ကြပါတယ်။ ရေအားလျှပ်စစ်စီမံကိန်းတိုင်းလိုလိုမှာ ယူနန်စက်မှုပစ္စည်း တင်ပို့ရေးကုမ္မဏီဟာ အနည်းအများ ပါဝင်နေတာ တွေ့ရပါတယ်။ တရုတ်အစိုးရပိုင် စွမ်းအင်ကုမ္မဏီ (၅) ခုစလုံး မြန်မာ့ရေအားလျှပ်စစ်မှာ ရင်းနှီးမြှုပ်နှံထားတာမို့ ကချင်ပြည်နယ်စစ်ပွဲဟာ တရုတ်အစိုးရ အထူးသဖြင့် ယူနန်ပြည်နယ်အစိုးရကို ရတက်ပွေစေပါတယ်။

တောင်တရုတ်ပင်လယ်မှာ ရေပိုင်နက်သတ်မှတ်ရေးနဲ့ ပတ်သက်ပြီး ဖိလစ်ပိုင်နဲ့ တရုတ်အစိုးရတို့ အငြင်းပွားနေကြပါတယ်။ ဖိလစ်ပိုင်ရဲ့  မိုင် (၂၀၀) အထူးစီးပွားရေးဇုန်အတွင်းက စကားဘရားရေတိမ်ဒေသမှာ တရုတ်သင်္ဘောတွေ ငါးဖမ်းမှုကြောင့် နှစ်ဖက်စစ်ရေယာဉ်တွေ ထိပ်တိုက်တွေ့ကြပါတယ်။ ဖိလစ်ပိုင်က အလျော့မပေးတဲ့အတွက် တရုတ်ဟာ စီးပွားရေးအရ အကျပ်ကိုင်ပါတော့တယ်။ ဖိလစ်ပိုင်က တင်ပို့တဲ့ ငှက်ပြောသီးတွေကို ပိုးပါတယ်ဆိုပြီး အဝင်မခံပါဘူး။ သင်္ဘောသီး၊ သရက်သီး၊ အုန်းသီးတို့ကိုလည်း အချိန်ယူစစ်ဆေးပါတယ်။ ဖိလစ်ပိုင် ငှက်ပြောသီး (၃၀) ရာခိုင်နှုန်းကျော် တရုတ်ပြည်ကို တင်ပို့နေတာကြောင့် ဖိလစ်ပိုင်လုပ်ငန်းရှင်တွေ နစ်နာဆုံးရှုံးကြပါတော့တယ်။ နောက်ဆုံးမှာ လုပ်ငန်းရှင်ရဲ့  တောင်းဆိုချက်ကို လိုက်လျောပြီး စကားဘရားရေတိမ်က ဖိလစ်ပိုင်သင်္ဘောတွေကို ရုတ်သိမ်းလိုက်ရပါတယ်။ ဒါပေမဲ့ တရုတ်ငါးဖမ်းသင်္ဘောကတော့ ရှိနေဆဲဖြစ်လို့ တရုတ်အနိုင်ရသလို ဖြစ်နေပါတယ်။

ကချင်ပြည်နယ်မှာ စစ်ပြန်ဖြစ်ပြီး မြစ်ဆုံဆည်ရပ်ဆိုင်းပြီးတဲ့နောက်ပိုင်းမှာ နယ်စပ်ကုန်သွယ်ရေးကို တရုတ်ဖက်က ချုပ်ချယ်ကန့်သတ်မှု လုပ်လာတာတွေ့ရပါတယ်။ တင်သွင်းနေကျ မြန်မာ့ဆန်ကို အရည်အသွေးညံ့ဖျင်းတယ်လို့ အကြောင်းပြပြီး ပိတ်ပင်ထားတဲ့အတွက် မူဆယ်၊ လွယ်ဂျယ်၊ လိုင်ဇာစတဲ့ နယ်စပ်ဂိတ်တွေမှာ ဆန်တွေပုံနေကြောင်း သိရပါတယ်။ မြန်မာပြည်က တင်သွင်းလာတဲ့ ကုန်ပစ္စည်းတွေကို အခွန်တိုးမြှင့်ကောက်ခံနေတာဟာ ဦးသိန်းစိန်အစိုးရလက်ထက်မှာ ပြောင်းလဲလာတဲ့ တရုတ်ရဲ့ လမ်းစဉ်တခုဖြစ်ပါတယ်။ မြန်မာဆန်ကို (၆၅) ရာခိုင်နှုန်း အခွန်ကောက်ယူပြီး အခြားတွင်းထွက်ပစ္စည်းတွေကိုလည်း အခွန်တိုးမြှင့်ကောက်ခံနေပါတယ်။

ဗမာစစ်အစိုးရဟာ ဆက်လက်ရပ်တည်ရေးအတွက် နိုင်ငံရေး စီးပွားရေးနဲ့ စစ်ရေးမှာ တရုတ်ကို အားကိုးခဲ့ပါတယ်။ အနောက်တိုင်းက ဒဏ်ခတ်အရေးယူနေတုန်း တရုတ်အကူအညီနဲ့ အသက်ဆက်နိုင်ခဲ့တယ်လို့ သုံးသပ်ကြပါတယ်။ ဗမာအစိုးရသစ်လက်ထက်မှာ တရုတ်ဖက်က နစ်နာတာတွေ ရှိနိုင်ပါတယ်။

ဦးအောင်ခင်, ဒေါ်ခင်စိုးဝင်း
07.09.2012
VOA
http://burmese.voanews.com/content/news-analysis-chinese-attitude-09082012/1503961.html